فـــــــــــــــــ الكــروشـــيـه ـــــــــــــــــــــــن

من طرف **المديرالعام** الأحد سبتمبر 19, 2010 8:21 am

النهادرة ان شاء الله هكلمكوا عن فن الكروشيه

وان شاء الله في الموضوع ده هشرحلكوا ازاي تشتغلوا كروشيه بطرق بسيطة خالص وسهلة

وواحدة واحدة معايا هتعرفي ازاي ممكن تعملي أي حاجة بالكروشيه ان شاء الله من غير أي صعوبات :showoff0:

الأول لازم تعرفي طبعا إنك في الكروشيه بتشتغلي بإبرة مخصصة لهذا الغرض

وبتختلف مقاسات الإبر حسب الحاجة اللي انتي بتعمليها
والمقاسات دي هي اللي بتتحكم في حجم الغرزة
يعني بنفس الغرزة ممكن تعملي وردة مثلا أد عقلة الصباع
لكن بإبرة تانية وبنفس عدد الغرز الوردة تكون بحجم كف اليد مثلا يعني

وعلى فكرة مش بس مقاس الإبرة هو بس اللي بيتحكم في حجم الغرزة
كمان سمك البكرة والخيط نفسه

كمان ممكن تلاقي مكتوب على البكرة مقاس الإبرة اللي تشتغلي بيها الخيط ده

ودلوقتي خلص أول جزء من الموضوع

وان شاء الله هبدأ معاكوا تعليم الكروشيه

من بدايته خالص لحد ما تقدري تعملي بنفسك أي حاجة تحبيها

والموضوع ده هيكون على أجزاء

ممكن كمان تجهزي أدواتك وتبدأي معايا

وأي استفسار أنا في الخدمة :bye10000:
__________________

دلوقتي بقى نبدأ مع بعض من أول حاجة خالص

على فكرة كمان نسيت أقول ان مقاس إبر الكروشيه بيكون بأرقام

الأرقام دي بالتسلسل مكتوبة على الإبرة نفسها

بس المقاس الشائع للمبتدئين هو صفر

وبراحتك ممكن تجيبي أي مقاس حسب اللي يريحك وحسب سمك الخيط اللي بتشتغلي بيه

دلوقتي هاتي الإبرة والخيط وابدأي معايا

أول حاجة خالص لازم نعرفها هي ازاي أصلا تبدأي بربط الخيط في الإبرة عشان تبدأي أي غرزة

احنا بنبدأ بحاجة زي عقدة بسيطة خالص زي كده

نجيب الخيط نعمله بالطريقة دي

وندخل فيها الإبرة بالطريقة دي

ونطلع من الحلقة زي غرزة بالطريقة دي

وبيكون شكلها كده

بعد كده نشدها، وبيبقى شكلها كده

وطريقة مسك الإبرة والخيط بتكون بالشكل ده

أبسط وأول غرزة بنبدأ بيها اسمها غرزة السلسلة

وطبعا بنبدأها بعد ما نعمل الخطوة اللي فاتت بالطريقة دي

نخللي الإبرة زي ماهي واحنا ماسكينها بالطريقة اللي قلت عليها

ومن ناحية الخيط بنلف لفة حول الإبرة من الخيط بالشكل ده

وبعدين ناخد اللفة دي ونطلع بيها من الحلقة كده

أو ده

وعلامة البيضاوي اللي في الصورة دي هي رمز غرزة السلسلة

عشان تبقي عرفاها بعد كده لما أجيبلك باترونات الكروشيه

ونفضل نلف ونطلع وهكذا لحد ما تبقى شكلها زي الضفيرة بالطريقة دي

والمرة الجاية نبدأ بالغرز التانية ان شاء الله

جربي الغرزة دي
وقوليلي رأيك في الموضوع

وان شاء الله لو فيه حاجة عايزة استفسار قولولي ومش هتأخر

منتديات حب الوطن

https://zxc200.yoo7.com/
وشكرا